Sya'ir: Medya Hus
Jameun maju
jinoe ta eu brôk deungon gèt
Ngon dônya maya Manusia mata teusèt
Tuha muda gampông kota kameulèsèt
Le nyang laloe
agam binoe ngön internèt
Rata sagoe ta-eu
jinoe kale warnèt
Dum generasi haék tham lé kameulèngkèt
Dua plôh peut jeum hana peue theun madum apdet
Peue ta akses
cukôp bèrèh brôk deungön gèt
Bak warông kupi kale wifi jaringan gèt
Deungon lettop
ladôm tan rhop jaroe that thèt
Na ngon facebook
ladôm gabuek aki wèt-wèt
Palak meujan jan
nyo jaringan ka meulèlèt
Tehnologi
informasi rot internèt
Memang peunténg beuna saréng piléh nyang
gèt
Tapi nyang paloe
aneuk tanyoe ka meulèsèt
Di eu nyang brôk leupah budôk moral teukrèt.
Ta eu jinoe
ureueng laloe deungon warnèt
Peue menghajat
kalon siat hitung meunèt
Ladôm buka eu beurita haba nyang gèt
Na pelajaran eu
disinan geubuka wèb
Nacit judi wahé akhi ngon Internet
Ladôm ngon Game ta-eu kayém mata teusèt
Penipuan pih na
sinan keunöng pèlèt
Le that syédara habéh beulaja dalam dompét
Mudi muda ladôm gura bak internet
An malam jula
mantong dua peue di pilèt
Hana soe tham di
awak nyan di meu èt èt
Meunan laku leka
ta ta eu nibak warnèt
Le nyang rusak
reuloh akhlaq aneuk tèt-tèt.
Nyo tan iman jadèh karam ngon internèt
Han ék atasi tehnologi makén awèt
Nyo kon Agama
nyang utama peureunoe beugèt.
Hé Ayah ngon Poma beuneujaga aneuk tèt tèt
Bèk that gadôh hana piyôh bak internèt
Cok nyang perlèe bèk boh watèe hana lé
gèt
Beu ta awasi dum generasi bèk
salah rèt.
Pengarang Cek Medya Hus