Keunarang Tgk. Banta Chairullah Al-Yusufi
Panton labu wo aceh utara
Na gareh tanda ngon aceh timu
Haba lam rinteh lon tuleh rika
Lon keuneuk sapa pengarang buku
Selamat pak hamdani mulya
Hase neu cipta karangan buku
Saboh pikiran yang luar biasa
Saboh karya Bahasa Indatu
Moga berguna keu generasi muda
Dan ureung tuha yang lanjut umu
Pulom ta peugah aneuk sikula
Jeut ji belajar ka deungon guru
Wate neucari neususun haba
Trep that jangka tujoh thon lalu
Ka habeh neujak pelosok desa
Bak ureung tuha neujak berguru
Hingga meuteume istilah haba
Lam saboh kata neususun laju
Bahasa aceh- indonesia
Dua bahasa sampo indatu
Contoh umpama neujak pareksa
Tegur sapa dari cah sampo nektu
Mengulas makanan neu wawancara
Bak ureung tuha neumita ilmu
Kabeh mandum neujak pareksa
Pakiban cara olah jeut keu breuh bu
Hingga sampo troh u ateuh para
Yoh saboh masa na sandeng dapu
Ureung jak u blang pade geupula
Wate geupuga pajan geumu’ue
Lheuh cangkoi tanoh cara peunula
Pak hamdani mulya pikiran jitu
Bahasa tanyo di aceh raya
Ka neutem puga lam saboh buku
Nak jeut muruno dum aneuk bangsa
Nak bek ji lupa bahsa indatu
Selamat pak hamdani mulya
Generasi muda pikiran maju
That le manfa’at kawula muda
Keu generasi bangsa ‘oh singoh ukeu
Meuso na peurle yang keuneuk baca
Bak Pak hamdani mulya neu pesan laju
Atau neu pesan bak tgk banta
Ka deungon harga pasaran laju
Selamat keu gata pak hamdani mulya
Bak tgk banta do’a reseutu
Semoga beujeut keu mulok sikula
Buku yang neucipta Bahsa Indatu
Cuma keuh rotnoe droneuh lon sapa
Dang dang berjumpa taduk sibangku
Nyona neulewat rot dewantara
Lon tgk banta neu kontek laju
0 facebook:
Post a Comment