Haba Peuingat

Oleh Tgk. Samuti Sp. Mesra

Assalamualaikum wahe e rakan 

Saleum lontuan jinoe lon peutroh

Rot layeu hp lon kirem peusan

Teurimong rakan meunyo cit ka troh

Na saboh haba ulon neuk karang

Nyoe na salahan meu'ah rakan beh

Kadang lam haba na teupeh rakan 

Nyan kebetulan bek jeut keu musoh

Nibak masa nyoe le kejadian

Adek ngon abang meuputoh putoh

Putoh silaturahmi lam kehidupan

Dasya bak Tuhan brat that rakan beh

Rugoe ta udep lam bumoe Tuhan

Beuthat hai rakan ibadah sunggoh

Han geuteurimong bandum amalan

Meunan le Tuhan ka lheuh geupeutroh

Nyoe h'an neupateh wahe e rakan 

Keudeh bak kiay tanyong rakan beh

Keudeh bak Tgk neutanyong rijang

Peunyo meunan lage lon peutroh

Geutanyoe adoe nyo na salahan

Ngon Kak & Cut bang bek ta meuputoh 

Ta lake meu'ah laju beurijang

Bek ta meudeundam wahe adoe beh

 

Meunan cit Cut Kak Atawa Cut Bang

Peumeu'ah rijang adoe Cut Bang beh

Meunyo peureule geuteurimong amai

Nyan keuh meunan lage lon peutroh

Bak saboh masa ta ingat rijang 

Wate saboh jan mak teuh yang uroih

Yoh Wate ubit nibak Wate nyan

Beuthat lage prang lam hate h'an troh

Nyo beungoh pake malam ka rakan 

Duek sapat sinan ta preh bu Mak boh

Ka ta duek sapat adoe ngon abang

Pakon h'an meunan jinoe rakan beh

Pakon h'an meu got adoe kak ngon bang

Ka saboh jalan wate nyan geutoh

Bah gasa bacut ulon kheun meunan

Meuh'an h'an reumbang wahe rakan beh

Burujuek bale di cong bak asan

Cem pala subang di cong bak iboh

Meumada 'oh noe haba lon karang

Nyo na salahan meu'ah rakan beh.

(Editor : Hamdani Mulya)

Profil Penulis

Nama:Drs. Basri Usman alias Tgk. Samuti Sp. Mesra, Lahir di desa Samuti Krueng, Kec. Gandapura,Kab. Bireuen ( dulu Aceh Utara ), 8 Maret 1958.Pendidikan, MIN Samuti, MTsN sampai kelas 2 lalu pindah ke kelas 3 SMP Gandapura, tahun 1975 masuk ke SPG Bireuen, Januari 1978 melanjutkan pendidikan ke Unsyiah Darussalam jurusan Bahasa dan Sastra Indonesia. Selesai pendidikan, tahun 1982 diangkat menjadi guru Bahasa Indonesia pada SMKK Neg. Banda Aceh dan tahun 1997 dimutasi ke SMEA Banda Aceh (SMK N 1 sekarang) dan memasuki masa pensiun pada tahun 2018. Alhamdulillah sampai sekarang masih tinggal di Sp. Mesra Banda Aceh.

SHARE :