Oleh Tgk. Samuti Sp. Mesra.
Kadang wate nyan le that salahan
Wate sembahyang le that ta tanggoh
'Oh trok bak wate kon ta sembahyang
Kadang hai rakan gadoh meuratoh
Maka jih jinoe ban deungo azan
Jak laju rijang wahe rakan beh
Kadang tan trep le lam bumoe Tuhan
Tobat hai rakan beu sunggoh2
Bak wate suboh peugot alaram
Jeut jaga rijang wahe apa Oh
Bek le lam limbot wate ka azan
U mesjid rijang keudeh ta sa oh
Bek ek ji daya tanyoe le syetan
Beutalo jih nyan ji plueng beureutoh
Oleh geutanyoe wajeb ta lawan
Lake bak Tuhan syetan beujioh
Jama'ah suboh bek sagai tinggai
Tamah sunat fajar wahe rakan beh
Nyan keugeutanyoe janji le Tuhan
Donya seisinyan keu tanyoe geuboh
Dum asoe donya tanyoe po jih nyan
Umpama meunan le Allah Geuboh
Berarti tanyoe hana bandengan
Nyo kekayaan bandum seuluroh....
Bersambung.....
0 facebook:
Post a Comment